Aplikacioni i parë i Microsoft për iPhone

**Admin** Sun Jan 04, 2009 4:30 am

Gjiganti amerikan i softuerit Microsoft ka deklaruar se ka zhvilluar aplikacionin e parë për telefonin shumë-funksional iPhone, i kompanisë Apple.Aplikacioni i quajtur “Dragoi i detit” iu mundëson përdoruesve të shohin fotografi me rezolucion të lartë dhe veçanërisht është e optimizuar përmes 3G dhe rrjeteve Wi-Fi.
“Dragoi i detit” përveç tjerash mundëson edhe që në iPhone tuaj personal të kërkoni koleksione fotografish të bëra me teknologjinë e Microsoft, të quajtur Fotosint, me anë së cilës palohen njëra pas tjetrës që të fitohet një panoramë tri-dimensionale.

Microsoft ka mundësuar që përmes këtij aplikacioni, të mund të shikohen fotografitë edhe përmes programit FotoZum dhe Deep Zum Composer.

“Shumica e telefonave të sotëm nuk ka akselerator grafik, ndërsa iPhone e përmban atë, gjë e cila na ka mundësuar të bëjmë diçka që më herët ka qenë mjaft e vështirë” – kanë thënë zyrtar nga Live Labs, prej nga edhe është bërë aplikacioni.